Lego Premium Collector Book.......

早一個星期前收到呢本天書，就好似MHP既怪物圖鑑咁，介紹Lego 50年來既set，
鎖匙扣同service pack既資料，佢亦都會提供每個set既稀有指數，不過令我意外既係我而家所收集到既set，好多係本書來講都只係去到中度稀有既程度，就連我自已覺得稀有既銀行1490，都未達到佢地所認為既最稀有(以1-6舊膠來代表，6舊膠代表最稀有)既6舊膠，而只有5舊膠，呢樣唔係好知佢地用邊個標準來訂。係用全新；used但有盒定係無盒去計？
不過佢呢個限定版既書所送既Minifig同Brick大致上都ok既，因為佢只係限定3,333套，比渡金版C-3PO既一萬隻來得更少，而比普通版既書(接近4百幾蚊港紙)多2百幾蚊(大約62x)。所以就個minifig來講，只要今年Lego唔出同款既Minifig，佢就會有升值既機會。
至於我可以早一個多星期收到書既代價係..........要比到7x Eur(運費同書價一樣)，都係果句，早買早享受，遲買多折扣...........

7745.........

用左110磅買到既7745，原本佢都有個叫做OK既盒來既，
不過個賣家寄DHL過來既時侯整摺個盒，攪到個盒又殘又散，而家有盒變左無盒...........

好既地方就係D件都唔錯，無乜花同牙印，仲送多左一個7866比我，而家有2 set 7866，不過都係無 instruction 要成32 蚊美金至買得返2本，如果配得齊既話都賣到好既價錢，因為12v既set比9v既好玩好多，而且市面又唔會有太多有得賣，所以用來收藏會係一個唔錯既選擇。

至於火車來講，以前D火車set會有好多minifig比你，1 set都有返10隻8隻咁，唔似得而家咁孤寒，得果2-3隻咁大把......

Mountain Lite.........第三回

好不容易砌好第二層，其間因為個底唔平(個膠箱唔平)做到個底D柱唔穩，好易甩
將個座分開，搬既時侯跌過，散晒，要重新砌過。用左幾個鍾砌返，D件好，要多200-300粒做修飾就ok，而家等動漫節睇下有無野執，不過聽聞今年無得段斤稱，得返張點心紙揀 parts，唉..........

睇返個山仔，而家整到好似金字塔咁 ^_^:

Mountain Lite.........第二回

估唔到要整好個底都要好多功夫，由於要係上面加多2層，D支點要做得好，同時又要避火車路軌，仲要留轉彎位，所以要求上要高D，整好都要用5~6個小時。仲有制作時檯面不平會加大難度，因為底版軟同大塊，仲有由多塊所組合而成，而家已經睇到有部份位置出現偏離現象，面對呢個問題，要用扣件來固定組合部份，做完個底盆之後，自已條腰都酸死.........

Mountain Lite 始動..........

今日捨得拎返收埋左半年既山出來整整，由於就來近8月動漫節，又有機會走去段斤秤D green brick，不過都要知要秤幾多至夠用，所以都要拎返出來砌下至得。

以前個出用左6塊大灰版同若干細灰版做底座，所以個底座有成張6人飯咁大，又有D空位多在出來，要用盡一D空位，就要改細一D，而家個底座用4塊大版同3塊細版做成，都有成3尺半x3尺咁大，不過高度無變過，都係15-16粒高，除左仲有一個出洞口既位未買到之外，今次應該好快整到底層出來，來緊星期六同日就會整好。
予計整好個底層之後，就買多D大塊Green Brick來平頂。

試車............

呢半年入左幾個12v既 set，家下又手痕痕
走去set返個陣出來試下D車郁唔郁，開頭唔係幾順
走去check下D軌有無攪好，後來行下停下窒窒下咁
於是拎D洗銅水去抹下D軌同車底既連接點，一陣之後
行得比較順，不過過波口位都係差D，上多幾卡車來推
唔知係未D軌既接位唔平，好多時都係架頭車走左去
後面就甩左，似乎呢個似係12v既盲點
—不過有度好玩就係唔駛走去手推個波口位，禁個制就郁，正
今次試車既係7725同埋7740+7819

補件..........

好肉赤，用左幾舊水補件，最鬼貴係件透明罩，
50蚊一件，補齊D件賣返D set出來，都唔知賺唔賺得返........

去過長沙灣天悅個場，果度補D老鬼件就一般，係香港都算係咁
至於中生代就比較ok，新野都係去返油麻地好D

上Bricklink搵 polarbrick就會搵到佢個contact，不過佢個list唔多update。
另外敬請予約，佢係non office hour開門既

開張大吉

終於捨得走去寫Blog，原本予計係舊年年尾寫，但係要到四月尾至去寫，真係.......
呢幾個月都係度等緊運到，D股仔唔聽話，咁又Bid唔到D貴Set，唉
三月尾接到個Job，終於可以Bid我最鍾意既7740火車。但係又要補一堆件，又要洗百幾二百美金。最後條數同買Full Set差唔多，貪平無著數......